Seleccion Boys U15 tin 2 wega gana den e CFU Challenge Series na Santo Domingo

ORANJESTAD (AAN)- E seleccion di Aruba Boys U15 cu ta actualmente na Santo Domingo compitiendo den e CFU Challenge Series 2021 na Santo Domingo tin 2 wega gana te cu awor.

Diadomingo tabata nan prome wega caminda nan a enfrenta US Virgen Island y nan a gana cu e score di 9 pa 0.

Ayeramerdia tabata nan di dos wega caminda nan a enfrenta e team di Turks and Caicos Islands y e wega a termina 2-1 pa Aruba. Cu golnan di Marlison Hooi y Jeremiah Tjin.

Nan siguiente wega lo ta Diaranzon dia 25 di Augustus pa 1’or di merdia contra e team di Bonaire.