Hooiberg Vets a batiza nan uniform nobo patrocina pa Aruba Bank

ORANJESTAD (AN): Durante fin di siman a tuma lugar bautismo di e uniform nobo di Hooiberg Vets patrocina pa Aruba Bank.

Manera ta custumber Aruba Bank ta e banco local cu ta conocí pa sostene deporte na Aruba.

 Hooiberg Vets ta un team di futbol di veterano 40+ y di veterano 50+ cu ta consisti di hungadornan di diferente parti di Aruba. Durante transcurso di añanan, Hooiberg Vets ta participando activamente den campeonatonan organiza anual door di Vedeveta.

 E meta di Hooiberg Vets ta pa organiza encuentronan di futbol caminda su miembronan por promove teambuilding entre nan, traha riba e movecion físico y pa por pasa un rato ameno tambe den ambiente familiar.

 Hooiberg Vets ta activo anualmente den e programa di Aruba Doet tambe. Nan ta haci esaki door di haci diferente trabaonan voluntario ariba nos isla.

 Aruba Bank ta contento y orguyoso di por a contribui na un team di adultonan cu tin pasion pa e deporte di futbol.

Pabien un biaha mas na e team completo cu nan uniform nobo y di awor caba kier desea nan tur clase di exito durante e campeonato den september venidero.