Seis atleta a haya nan  STAR Diploma di landamento

ORANJESTAD (AAN)- Na Piscina Olimpico Roly Bislik a tuma lugar e examen pa Diplomanan di Landamento Artistico.

No obstante e pandemia, atletanan a sigi practica y asina awe a logra un biaha mas un evento exitoso pa Barracudas Artistic Swimming y Aruba Aquatics Federation.

Pa e prome Diploma STAR 1 tabatin cuater atleta cu a participa y cu a haal nan diploma cu ta: Katherine Merryweather cu 30 punto, Zoë Olmtak cu 27 punto, Victoria Henriquez cu 27 punto y Genesis Tromp cu 26 punto.

Pa e STAR 2 tabatin dos atleta cu a participa y a logra haal nan diploma, cu ta: Zaria Wester cu 27 punto, y Kaythlin Thiel cu 29 punto.

Masha pabien na tur e atletanan!