SC United cu bautismo di uniform nobo patrocina pa Elmar

ORANJESTAD (AAN): Recientemente NV Elmar tabatin e honor di patrocina y e bautismo di e uniformnan nobo di e team di Boegoeroei,

esta SC United su ekiponan U9 y U11.  Pa e compania, esaki ta un gesto special cu ta yena nan cu felicidad, pasobra ta e muchanan aki ta nos futuro. Esaki tabata un gesto pa e futbolistanan por sigui cu confianza y orguyo den nan ekipo.

   NV Elmar ta conoci pa apoya deporte na Aruba. E ta un pilar den nos programa di 'Corporate Social Responsibility'. Nan ta sinti un compromiso pa sigui impulsa e amor pa deporte y sostene e desaroyo di hobennan na Aruba.

   E atardi aki siguramente tabata un momento special pa tur esnan cu a asisti. E tabata un atardi yen di alegria. E compania ta spera cu esnan cu a ricibi e uniformnan nobo lo sigui disfruta nan deporte cu pasion. Nan ta desea e teamnan di Sport Club United U9 y U11 hopi exito den nan proximo weganan.