Rumannan Klaber preparando pa Nederlandse Kampioenschappen  2021

ORANJESTAD (AAN)- Den fin di siman Sero Alejandro a haya bishita di rumannan Klaber cu ta preparando pa 

Nederlandsche Kampioenschappen 2021. Despues di tanto reunion cu e Gemeente tocante di e 

medidadanan cu lo mester tene y haci pa por organisa un evento, porfin a haya luz berde pa organisa e evento.

Esaki a haci cu training a cuminsa bay na e siguiente nivel, mirando cu training nunca a stop pa e rumannan 

Klaber, pasobra durante e pandemia nan a sigui train hunto como ruman y ta djis falta di sparring cu otro atletanan manera cu nan tabata custuma.

Alberto Klabér ta trainer di nan na Aruba y a reuni cu coach Olimpico Hall of Famer Henk Meijer tocante di e programa pa locual ta e preparacion for di awe te cu NK 2021.

 Training na Sero Alejandro no tabata nada facil pa e rumannan Klabér. Nan mester por sigui cu e rutina di training.