Rumannan Klaber preparando pa Nederlandsche Kampioenschappen

ORANJESTAD (AAN)- Dia 13 di October e rumannan Klaber a biaha pa Hulanda cu e meta pa Nederlandsche Kampioenschappen 2021 bou guia di ex campeon Mundial, Coach Olimpico y Hall of Fame Henk Meijer. 

Despues di 1 luna na Europa, na Hulanda e rumannan Klaber a participa na e di 48 Open Dutch. Rumannan Klaber no a yega mas leu cu e prome rond.  

Rumannan Klaber a train na Sidokwan cerca Larry Meijer na Hoogeveen, na Amersfoort cerca Giorgio Janmaat.

Siman pasa nan tabata tin un Sparrings Kamp contra e atletanan for di Nordrhein Westfalen na Düsseldorf Alemania. E siman cu a pasa nan a train na sportschool Koryo na Den Haag cerca di Manni Zareei unda cu nan a topa cu Rouel Baarh cu tabata train na Impact Taekwondo di atleta Olimpico Monica Pimentel.  

Na Koryo Den Haag tin dos atleta for di Surinam ta train, Tosh van Dijk y Jair Jagroep. E meta di e rumannan Klaber ta pa ta den miho forma pa Nederlandsche Kampioenschappen. Open Rosmalen ta nan proximo evento prome cu NK.

E siman aki e rumannan Klaber ta bek na Groningen cerca Sportsschool Henk Meijer.