Rising Phoenix a bira campeon Torneo Softball di Damas di Caribe 35+

ORANJESTAD (AAN):  E tabata algun dia di exitoso competencia riba tereno di Aruba Juniors.

  E organisacion local di Splash Softball Team a organisa e competencia aki na un forma magnifico, y a ricibi teamnan di otro islanan cu a bin participa.

   Aruba Bank tambe ta uno cu a yuda hopi door di patrocina e emocionante torneo di Softball di Damas di Caribe 35+, cu a finalisa Diadomingo, 29 di October. E evento, patrocina pa Aruba Bank y teni na tereno di Aruba Juniors, a presencia un exhibicion exceptional di deportividad y camaraderia entre e ekiponan.

   E torneo, dedica e aña aki na e personanan: Sra. Hetty Hertz, Sra. Dora Luidens, y Sra. Helen Vrolijk, a mustra talentoremarcable y trabou den ekipo for di e participante manera Mi Deseo, Nos Gozo, Treasure, Rising Phoenix, Bonaire Angels, Upsetters, y Dutch Lions.

   E team campeon absoluto a bira Rising Phoenix cu a gana team di Treasure New Era cu score di 15-7.   Na di tres lugar tin e team Mi Deseo.  Na di cuatro lugar a keda e team Bonaire Angels.

   E Pitcher campeon a bira Candida Gregorius di team Mi Deseo.  E Champ Batter a bira Merry Janga di team Bonaire Angels.  E Champ Homerun a bira Ruthy-Shainy Calmera di Rising Phoenix.

   E hungador mas valioso MVP a bira Janella Comenencia di Rising Phoenix.

   E exito di e evento ta atribui na e apoyo di Aruba Bank y otro contribuidornan, fomentando un ambiente di unidad y entusiasmo den comunidad. Aruba Bank ta keda comprometi na promociona tal evento cu ta celebra e spirito di deporte y unidad entre comunidadnan.