E prome 'Aruba Long Distance Triathlon 2023'  a resulta un exito

ORANJESTAD (AAN):  Riba Diadomingo, 17 di November 2023, Sportsz 4 U Aruba a organisa e competencia di Long Distance pa prome biaha na Aruba; tambe a inclui e categoria di Olympic Distance.

            E evento di Long Distance/Olympic Distance tabata tambe e ultimo di un serie di competencia cu Sportsz 4 U a bin ta organisa desde comienso di 2023, pa conmemora asina 10 aña di existencia di Sportsz 4 U.

            Ta mira atras riba un aña conmemorativo hopi exitoso; no solamente mirando e aumento di actividadnan di Triathlon, pero tambe diferente atleta (nobo) cu a scoge pa practica e deporte di Triathlon.

E distancianan “Long” & “Olympic” ta como lo siguiente:

Long Distance:      1.9 km swim, 80 km bike, 18 km run;

Olympic Distance: 1 km swim, 40 km bike, 9 km run.

            E swim a sali di Nikki Beach bay te Gouverneurs Beach bin bek, completando 1.9 km/1 km.

E bike a sali di Plaza Turismo y bay te cu retonde di Pos Chikito bin bek. Pa Long Distance: 4x (80 km) y pa Olympic Distance 2x (40 km). E run a tuma luga riba Linear Park, 18 km pa Long Distance y 9 km pa Olympic Distance.

            Den e competencia di Long Distance, e ganador absoluto a keda den persona di Jennifer Snijder.  Den cabayero e overall winner a keda den persona di Jobert Reyes, na 2do luga overall Charles Hoek y na 3er luga a keda Lucien Dirksz.

            Den e competencia Olympic Distance: overall winner den cabayero a keda Jayderick Geerman y den damas Shohaira Da Silva.

            Gradicimento: aunke e participacion di e atletanan no tabata grandi e biaha ‘ki, tabatin un total di riba 100 voluntario, incluyendo polis riba pia pa garantisa asina seguridad riba caminda pa e atletanan.

            Mirando e interes grandi cu tin pa cu e evento ‘ki, pronto lo informa e fecha nobo pa aña 2024.