Resumen di Best of the Best Powerade Cup 2025

ORANJESTAD (AAN): Brazil Taekwondo Stichting a organiza e di 30 Powerade Taekwondo Cup na honor di Grand Master Henk Meijer di Hulanda,

cu a tuma luga den Centro di Bario Brazil cu participacion di 15 Pais. Dos referee Olimpico di cual un a participa den cuater weganan Olimpico.

   Best of the Best Powerade Taekwondo Cup 2025 ta e evento di aña organiza pa Brazil Taekwondo Stichting. Master Yoshmar Wever  y Master Zahyon Klaber a selecta e atletanan di Aruba cu a clasifica pa bringa den Best of the Best Powerade Taekwondo Cup 2025. 

   Master Antwuan Wilson di Merca y su team tabata encarga cu e matching di e peleanan. Master Axel Sanchez referee Olimpico y Elvin Landrau Presidente di Puerto Rico y director di referee di PATU di Puerto Rico tabata ocupa cu e logistica di Best of the Best Powerade Taekwondo Cup. 

   E miho bringadonan di Best of the Best Powerade Cup den e categoria di Infantil tabata Na'im Stroop di Curaçao y Farzana Persaud  di Suriname y den e categoria di Cadet a sali Rachid Erasmus di Chaco Taekwondo Academy Aruba y Agatha Perreira Pimentel di Surinam, den e categoria di Junior a sali Daniel Bennete di Merca y Juwell Ilidge di ETU Aruba.

   Curaçao a sali ganado di Best of the Best Powerade Taekwondo Cup 2025 bou guia di Coach Gilson Laurens y nan Presidente Ellon Donker.

   Brazil Taekwondo Stichting a duna honor na Grand Master Marilu de Veer, Grand Master Henk Meijer, Master Augie Tromp y Master Eric Barry pa nan fiel participacion, pasobra nan tabata den e prome Best of the Best Powerade Taekwondo Cup na aña 1995 y awo den e di 30 Best of the Best Powerade Taekwondo Cup na aña 2025.

   Brazil Taekwondo Stichting ta gradici na un y tur cu a haci e di 30 edicion di Best of the Best Powerade Taekwondo Cup 2025 posibel.