Referee internacional y representante di Truescore a yega pa Ultimate Taekwondo Cup

Elvis y John Travolta ta na Aruba...

ORANJESTAD (AAN):  Diahuebs atardi Elvis di Truescore California y John Travolta for di Brazil a yega Aruba.

            Elvis di Truescore ta di e sistema electronico cu a wordo uza den dos olimpiada.  E headgear electronico a wordo inaugura na Aruba den Best of the Best. Elvis su tarea ta pa

e sistema electronico funciona optimal y tambe pa wak si e campeonato ta bay segun e reglanan di Truescore. 

            Den tur campeonato cu Brazil Taekwondo Stichting organisa, mester tin un referee Internacional. 

E ta un di e reglanan di Truescore y Elvis lo controla e trabou di e referee. Tabata tin diferente referee Internacional na e campeonatonan pa sigura cu Brazil Taekwondo Stichting  ta bay scoge bon referee pa Best of the Best Truescore 2023. 

            Diasabra dia 2 di September lo tin e Ultimate Taekwondo Cup. Ultimate Taekwondo Cup ta e ultimo oportunidad pa e participantenan sigura nan participacion den Best of the Best Truescore 2023. 

E evento ta cuminsa pa 8'or di mainta den Centro di Bario Brazil.