Hungador di SV Britannia ta firma cu team na Hulanda

ORANJESTAD (AAN): Esaki ta un bon noticia!  E hungador di SV Britannia Damas, esta Tarianne Tari Doorkamp despues di a haci algun try-out na Hulanda a bin firma cu Forum Sport na Voorburg.

   Tari ta conosi como un hungador disiplina y por hunga bon futbol y por usa tur dos pia. Tari tin un tremendo techniek y su cordinacion ta super bon. Despues di a train solamente 4 biaha cu Forum Sport e dirigentenand di e club di damas a acerca Tari mes ora pa bira nan miembro di nan organizacion y asina e proseso a cuminsa pa pidi su transferencia internacional di KNVB pa AVB na Aruba.

   Su ex team SV Britannia a brinda tur su sosten pa Tari por a haya su transferencia rapido. Tari mes ta bisa cu e ta sintie bon cu su club y su compañeranan pero si e trainingen ta mas pisa cu akinan na Aruba.

   Tari su punto mas fuerte ta cu e ta un persona hopi alegre. Nos ta desea Tari tur clase di extio na Hulanda y cu e por convence su team Forum Sport pa bin hunga algun wega na Aruba.