Red Machine a empata serie 2-2

ORANJESTAD(AAN): E serie di playoffs di Double-A entre Red Machine y Braves a empata 2-2 Diasabra.

Esaki despues cu Red Machine a knockout Braves den 8 inning cu e score di 11-0.

Braves tabata buscando un triunfo pa pasa pa final pa prome biaha den historia, pero e hitnan no a cay na momentonan oportuno.

Red Machine a bati 12 hit y no tabata tin error, mientras cu Braves a bati 6 hit y a comete 3 error.

Pitcher ganador tabata Amadeo Nicolaas, mientras cu Edward Villanueva tabata pitcher perdedor.

Mihor bateadornan pa Red Machine tabata Darwin Escobar 3-3, Jaquil Vrolijk 3-2, Filbert Thiel 1-1 y Rolando Petronia 4-2.

Pa Braves e mihor bateadornan tabata Jose Estrada 2-1, Giovanni Lane 2-1, Ralph Dinzey 3-1 y Dwane Chirino 3-1.