ORANJESTAD (AAN)- Dia 6 di November,2021 lo bay tin un campeonato di Karate na Hialeh Gardens caminda e karateca Gabriel Ali Arguinzones Perez di sinta oranje, lo ta dibutando.
E lo ta den e specialidad di Kata Y Kumite den categoria Intermediate Boys di 8 pa 9 aña. E lo wordo compaña sensei Gustavo Velasquez y Juan David Velasquez di Karate-Do Jin sen Kai Aruba.
E competencia aki pa Gabriel ta hopi significativo ya cu ta su prome representacion internacional, na unda el a bisa cu e ta sintie comprometi pa laga e nomber di Dojo di Karate, su scol Sint Aloysius, e nomber di e isla di Aruba na halto, sin laga un banda e balioso apoyo di famia cu ta compañe. Gabriel a expresa cu e ta haci un yamada na tur mucha di Aruba pa nan forma parti di e bunita organisacion di karate, cu pe ta su di dos famia.
