RCA a bira campeon di futbol U11

ORANJESTAD (AAN)- Diasabra a tuma e final di Campeonato di futbol U11 den Centro Deportivo Guillermo Trinidad.

Den un tremendo partido RCA ta gana Lama Fama 2-1. E wega tabata casi termina cu e score 1-1, caminda tur cos tabata mustra cu lo bay over na penalty. Pero tabata falta algun minuut prome cu wega caba cu e delantero Evans Nedd a los un tiro duro cu tabata dificil pa e portero di La Fama gare y asina RCA ta conquista e titulo di campeon lagando La Fama na di dos lugar.

E team di SV Britannia a termina na di tres lugar y na di 4 lugar a keda SV Brazil Jrs.