Publico a disfruta di un tremendo wega amistoso entre team Xander Bogaerts y team Chadwick Tromp

 ORANJESTAD (AAN)- Diahuebs anochi tabata tin un tremendo encuentro di wega comercial entre team Dj Eli  cu Chadwick Tromp y team Xander Bogaerts.

E encuentro aki a hala masha hopi atencion di fanaticonan cu a yega ballpark di Pos Chikito pa asina presencia e tremendo partido entre hungadornan estelar di Aruba. Por a  compronde cu tabata tin hasta turistanan presente cu a bay mira e wega amistoso aki.

E wega a keda empata na 1 den un dobbelheader maratonico. Y ya ta papiando pa e di 3 wega cu quizas lo ta aki un paar di luna ya cu e hungadornan profesional ta biahando. Un pabien na tur cu a bin cu e bunita iniciativa aki di trece e hungadornan profesionalnan hunto den un wega amistoso y caminda e publico despues di hopi tempo por a disfruta di un tremendo anochi.