Prome examen di STAR Diploma den landamento artistica

ORANJESTAD (AAN) - Diasabra mainta na Community Pool San Nicolas a tuma lugar e examen pa diplomanan di Landamento Artistico. Tabatin un cantidad grandi di atletanan cu a logra haal nan diploma!

 E mainta a cuminsa cu Diploma STAR 1, akinan tabatin dos atleta cu a logra pasa e Diploma, Ellah Gomez cu 25 punto y Amaya Verdugo Suarez cu 21 punto.

A sigi cu STAR 2 na unda 4 atleta a logra haal nan diploma cu ta: Alliyah Croes cu 26 punto, Ellah Gomez cu 23 punto, Tahnee Filiciana  cu 27 punto y Isabella Vasco cu 29 punto.

Despues pa STAR 3 tabatin dos atleta, Ninziah Alexander cu a logra 23 punto y Vitaly Inocencia a logra 29 punto.

E STAR 4 tabatin solamente e atleta Vitaly Inocencia cu a logra haal e Diploma cu 30 punto.

5 atleta a participa na STAR 5 y a logra haal e diploma cu tawata Kaylie Eman cu 22 punto, Vitaly Inonencia cu 27 punto, Sydelle Lopez Henriquez cu 27 punto, Victoria Henriquez Gonzalez cu 27 punto y Nalini Lopez Henriquez cu 28 punto.

Pa finalisa e mainta tabatin STAR 6 na unda 7 atleta a participa y a logra haal esaki. Nan ta: Sydelle Lopez Henriquez cu 27 punto, Vitaly Inocencia cu 29 punto, Nalini Lopez Henriquez cu 29 punto, Khloe Rafini cu 29 punto, Sophie Belle Rafini cu 29 punto, Victoria Henriquez Gonzales cu 30 punto y Katherine Merryweather cu 30 punto. 

Masha pabien na tur e atletanan! 

Barracudas Aruba ta invita mucha muhe y mucha homber nan entre 6 – 10 aña pa bin sera conoce cu e deporte di landamento artistico. Tur training ta tuma lugar na piscina Olimpico Roly Bislik na Savaneta. Si tin interes pa hasi un “tryout” por tuma contacto libremente na 5930674. Tambe por pasa na piscina na Savaneta sea diamars of diahuebs entre 3 pa 6pm. E unico rekisito cu tin ta cu e mucha mester por landa.