ORANJESTAD (AAN): Diadomingo atardi, Minister Endy Croes a bishita veld di Madushi Stars na San Nicolas, en conexion cu e prome edicion di e torneo di softball Copa Dia de la Independencia Dominicana 2023.
E torneo a wordo organisa pa Pirates Softball Team. Un weekend di softball unda 8 ekipo di e.o. Dominicanonan residencia na New York, Venezolanonan residencia na Aruba y ekiponan di Aruba a participa na e torneo.
Minister Endy Croes a haci lansamento oficial torneo. Den nomber di e Copa Dia de la Independencia Dominicana, Minister Endy Croes a entrega dos plakkaat di reconocemento na Sr. Oscar Fernandez y Juan Carlos Ventura di Radio Caliente FM pa nan sostene na e torneo.
Mandatario di Deporte ta felicita Pirates Softball Team cu un bunita torneo, alabes ta manda palabra di pabien na Suicide Squad SBT cu e titulo di campeon, “Champion Pitcher” y “MVP” di e prome edicion di Copa Dia de la Independencia Dominicana.
https://diario.aw/categories/noticia/deporte/minister-di-deporte-a-presencia-e-prome-edicion-di-copa-dia-de-la-independencia-dominicana-2023#sigProId77f08b10bd
