Presidente di ARTBO a ricibi Taekwondo Team Aruba na Aeropuerto

ORANJESTAD (AAN):  Den fin di siman Taekwondo Team Aruba a participa den e Holiday Toy Drive & Scrimmage na Homestead, Miami bou guia di nan coach Master Yoshmar Wever.

            Presidente di Aruba Taekwondo Association "ARTBO" Master Moises Fernandez a ricibi e team cu  a yega bek cu un total di 11 atleta Infantil, Cadet y Junior cu a participa den e Holiday Toy Drive &

Scrimmage.

            Antwuan Wilson a organisa e evento aki y a keda contento cu participacion di Taekwondo Team Aruba,  United Taekwondo, Next Level Taekwondo y Tuff Taekwondo. Un evento specialmente organisa pa nos hobennan cu ta den preparacion pa 2024/2025. Na luna di Januari lo cuminsa cu e prome evento cu ta  parti di e plan pa aña 2024.

            E atletanan di Taekwondo Team Aruba tambe a hiba regalo na e Holiday Toy Drive & Scrimmage como donacion na e muchanan di menos recurso na Merca. 

 Taekwondo Team Aruba ta gradici Pueblo cu a contribui na e actividadnan pa recauda fondo pa Taekwondo Team Aruba por a haci e biahe exitoso aki y cu bon resultado.