Actividad grandi dia 29 di September
ORANJESTAD (AAN): Falta solamente 3 siman pa e grandioso Open Water Event organiza pa Aruba Dolphins Swimming Club, e swimming club mas grandi di Aruba.
E evento aki ta worde organiza tur aña pa tur amante di Open Water por participa. Solamente 110 atleta por participa na e evento aki. Aña pasa mester a sera inscripcion mirando cu den tempo record inscripcion pa e evento aki a yena.
E evento aki lo tuma luga diadomingo 29 di september pariba di Zeerovers y lo consisti di 3 categoria 1 km, 3 km y 5 km y tambe di diferente categoria di edad. Registracion lo start 6.30’or di mainta.
Aruba Dolphins como team organizando e Open Water a organiza diferente entrenamento di Open Water na cua no solamente nan team pero tur team cu kier por a join.
Ademas di e Open Water Swimming Competition, e comision di mayor di Aruba Dolphins tambe lo tin nan stand di Soppi y Snacks pa asina recauda fondo pa e team.
E diadomingo aki lo ta simplemente grandi y Aruba Dolphins ta invita un y tur pa bin disfruta di e evento.
Nan ta encurasha tur atleta cu kier participa na e gran evento aki pa inscribi trempan. Haci esaki riba e website aki:
Aki bo por inscribi, y selecciona e categoria. Tambe lo bo nota cu ta bay cobra pa inscripcion. Inscripcion lo cera dia 27 di September pa 10:00 pm. Corda cu riba dia di careda, no tin chens mas pa registra pa participa.
https://diario.aw/categories/noticia/deporte/preparando-pa-evento-grandi-aruba-dolphins-open-water#sigProIdba8b81b481
