Peloteronan Jeremy Kelly y William de la Cruz a firma pa hunga baseball den NCAA division III

ORANJESTAD (AAN)- Diadomingo atardi a tuma lugar un ceremonia especial na TGI Friday’s na Paseo Herencia unda dos pelotero prospecto di Aruba a firma un letter of intent pa nan sigui progresa den baseball.

Sr. Carey, propietario y fundador di 297 Baseball Academy a bisa cu e ta super orguyoso di e dos peloteronan Jeremy Kelly y William de la Cruz cu a firma un “collegiate letter of intent” cu Framingham State University, pa hunga baseball den e NCAA division III pa e equipo di Framingham State. Nan a traha hopi duro pa logra acceso na e academia. Ambos pelotero ta bay pa un institucion di 4 aña.

Exito na Jeremy y William cu nan reto nobo.