Nicole Hoevertsz a entrega medaya na gran atleta

ORANJESTAD (AAN): Un honor grandi na Beijing, ora cu na e final di Speedskating di 1500 meter femenino, Nicole Hoevertsz di Aruba a haci entrega di e medaya na e atletanan. 

Y esaki ta unda cu e atleta hulandes Ireen Wüst a logra gana un otro historico medaya di oro. 

Esey a bira Ireen su di seis medaya Olympico. 

E mainta ey, e president di Federacion Olympico hulandes NOC*NFS ta esun cu a comenta cu lo ta great si Nicole Hoevertsz di Aruba presenta e medaya aki. 

A bay check cu Protocol Department di Comite Olympico si ta posible, y cu algun ahuste esey a logra.