My Guardian Group Walk & Run Aruba tabata un exito

ORANJESTAD (AAN): Guardian Group Fatum a celebra su di 8 edicion di My Guardian Group Walk & Run na Aruba.

Despues di 2 aña diadomingo mainta tempran 3 di juli por a mira y sinti un ambiente di competencia y passion pa e deporte entre e participantenan.

   E evento a cuminza na momento cu señora Michelle de Groot di Guardian Group Fatum, a los tiro di salida di e 10 km y 6 km Run. Na final tur participante a ricibi un medaya di recuerdo di participacion.

   Guardian Group Fatum a entrega 3 donacion na valor di 3.000 Florin na 3 diferente instancia cu ta traha incansabel pa nos comunidad: FSPP (Fundacion Siñami Paso Paso), Brazilian Flash Racing Foundation y Colegio Sagrado Curason. Cada un di e instancianan a keda sumamente agradecido pa ricibi e donacion aki y asina sigui eherce nan trabao, yuda comunidad y esnan cu mester di sosten.

   E ganador absoluto femenina pa 6 KM ta Pauline Vackier y ganador absoluto masculino 6 KM ta Andre Angela. Ambos a gana un ticket ida y vuelta incluso registracion pa participa na My Guardian Group Walk and Run na Curaçao dia 30 di October proximo. E ganador absoluto femenina pa 10 KM ta Genaide Souza y ganador absoluto masculino 10 KM ta Alexander Hodge. Ambos ta gana ticket ida y vuelta incluso registracion, 2 anochi di hotel na Curaçao pa participa na My Guardian Group Walk and Run na Curaçao dia 30 di October proximo. Nature’s Discount a regaka un tas cu articulonan saludabel pa e 4 overall winners.

   Guardian Group Fatum ta gradici tur persona y tur e instancianan cu a contribui pa por a realisa e exitoso My Guardian Group Walk & Run Aruba 2022. Principalmente KPA, Rode Kruis, Motor Unit, Ibisa y Aruba Triathlon Association pa saca y guia e carreda pa tur participante cu tur aspecto di seguridad. Sportz4U, White Sharks baseball Team, Animal Rights, Nine Lives Foundation a zorg pa e 3 waterposten. IBiSA cu a tene cuenta cu e Waterposten y distribui e bolienan mainta tempran. Total Cleaning pa haci e ruta limpi y nos parkeerplaats.

   Danki na nos patrocinadornan Romar pa supply nos cu Gatorade, Ling & Sons cu un dushi pan pa tur participante, Martijn Trading cu coffee, Albo Aruba cu hekwerk pa seguridad di un y tur y por ultimo na tur coleganan di Guardian Group cu a yuda voluntariamente cu e proyecto di Guardian Group Walk and Run Aruba for di registracion, sortea medaya y trofeonan, prepara pan cu fruta pa 1200 persona y atende cu tur nos participantenan cu F&B ariba diadomingo ultimo.

   Esnan cu kier haya sa mas di resultado, por click na:

www.bit.ly/patrishi2022

   Na tur participante masha danki pa boso aporte valioso cu a haci e evento aki un bes mas exitoso! Nos ta ta topa atrobe den 2023. Warda e fecha di 11 di juni.