Muay Thai EXTRAVAGANZA tabata un exito

ORANJESTAD (AAN): Muay Thai EXTRAVAGANZA tabata un super anochi pa e atletanan di Aruba.

Manera a wordo bisa, Aruba ta  bon prepara y ata e resultado di e anochi aki. Un evento y organisacion cu a mustra su profesionalismo como un Bond.

             E presidente nobo di Muay Thai Kickboxing Aruba y Vice Presidente a comenta cu Aruba su atletanan ta riba bon caminda y ta spera nan sigui train duro pa tur loke falta pa bin ainda.

             Presidente Rutmila gonzalez a bisa cu awor lo tin dos reto grandi ainda e aña aki ta e campeonato grandi na Monterrey, Mexico y e Mundial na Thailand y nos lo ta prepara pa esakinan.

             Tambe un palabra di danki pa tur esnan cu a coopera pa haci esaki posibel e anochi aki. Pa esnan cu tabata presente danki pa bin y spera boso a keda contento c'un tremendo programa manera a wordo priminti na boso.

             Danki na tur instancia cu a yuda di un of otro forma y tambe na medianan cu a coopera cu e evento aki di Muay Thai Extravaganza. Keda pendiente pa mas informacion di e evento aki.