ORANJESTAD(AAN): Riba 2 di Juli ta bay tuma lugar un evento grandi di Muay Thai aki na Aruba y den un entrevista cu DIARIO,
presidente di Muay Thai Aruba Ruthmila Gonzalez a splica cu porfin Aruba ta haya un programa di evento cu e merece, mirando tambe con bringadornan Arubiano a haci bon papel den exterior.
“Entre otro na Panamericano nos atletanan a defende nos bandera debidamente”, Gonzalez.
El a splica cu ta bay tin bringadornan grandi na e evento aki, mientras cu tin algun cu via e peleanan aki por clasifica pa e Mundial di Muay Thai na Thailand.
En total tin 16 pais envolvi den e evento, sinembargo algun bringador no lo logra yega debi na e hecho cu algun Embahada no a keda cla cu nan visa.
“E evento aki ta bay tin un tremendo setup pa publico disfruta na gran manera di e peleanan”.
Mas despues nos lo publica datonan di e atletanan cu ta bay participa na e magno evento aki, e presidente di Muay Thai Aruba a indica.
https://diario.aw/categories/noticia/deporte/muay-thai-aruba-preparando-pa-un-evento-sumamente-grandi-riba-2-di-juli#sigProId8995039a9a
