Ambiente total tabata tin riba caminda cu IPA su car rally

E studiantenan y personal di IPA, den grupo di maximo cinco, tabatin un reto grandi y excitante,

unda nan mester a recori e area di hotel, Bushiri y vecindario en busca di pista caminda cu mester a contesta pregunta, colecta obheto y hasta traha nan propio ‘cheer’.

E gruponan a participa cu hopi entusiasmo na e car rally. Tabata bisto cu tur grupo a haci nan maximo esfuerso pa destaca como e grupo victorioso. A rekeri bon comunicacion, creatividad y colaboracion p’asina termina e ruta di e car rally exitosamente.

Tur esaki sigur a reenforsa e teambuilding cu sigur tabata un di e metanan principal di BUVOS pa cu e actividad aki. Na final di e car rally ambos studiante y personal a ‘takeover’ e escenario di Jungle Vibes p’asina ‘playback’ artista local y internacional y pone hopi ambiente.

Resultado di e car rally ta como lo siguiente:

Di tres luga: grupo Earl & Angels

Segundo luga: grupo Los Indecisos

Ganado absoluto: grupo Buscando pa loco

Miho uniforma: grupo Fast & Serious

Prome registracion: grupo Lengalicious

Miho cheer: grupo Las Hongas

Grupo disciplina: grupo Powerpuff 

IPA ta gradici tur sponsornan cu a contribui y na tur e boluntarionan cu a contribui cu e car rally.