Ministro Gerlien Croes ta orguyoso di atletanan cu a representa Aruba durante CARIFTA Games 2026

ORANJESTAD (AAN): Den fin di siman, como debe ser Ministro di Deporte, Gerlien Croes a dicidi na mustra con orguyoso Gobierno ta

di e atletanan di atletismo y landamento cu a representa Aruba cu pasion y dedicacion durante CARIFTA Games 2026.

   “Celebrando talento, perseverancia y orguyo Arubano,” ta e esencia principal cu Ministro a enfoca riba dje.

   “Como Minister di Deporte, mi a honra nos atletanan di atletismo y landamento pa nan tremendo desempeño durante CARIFTA Games 2026. Nan disciplina, sacrificio y dedicacion a pone bandera di Aruba na halto y a demostra cu nos hobennan tin un futuro yen di potencial.”

   Ministro a duna un reconocemento special tambe pa coachnan, famianan y tur esnan cu ta sostene e atletanan den nan trayecto deportivo. E logro aki ta resultado di hopi trabou duro, compromiso y amor pa deporte.

    Tur esaki ta un merecido reconocemento pa nan esfuerso, disciplina y e tremendo resultadonan cu nan a logra. Sigui briya y inspira nos comunidad y otro hobennan, sigui soña grandi y sigui representa Aruba cu orguyo.