ORANJESTAD (AAN|): Durante tres dia largo, Aruba a host e forum pa nos hendenan local y nos bishitantenan paralimpico cu a bini for di henter e continente America.
E meta di e di 4 edicion di e Women in Para Sport Forum tabata pa inclui e comunidad den locual ta haci den e mundo Paralimpico. Tambe pa invita e mayornan pa comparti e experiencianan aki y scucha di otro para atletanan kico ta e retonan cu nan ta encontra y kico si a funciona pa nan por a logra gana medaya den nan deporte.
A pone enfasis riba crea conversacionnan real riba retonan, oportunidadnan y progreso den participacion di hende muhe den deporte y den “para-sports”. Lidernan femenino procedente for di areanan diversifica manera maneho, deporte, politica, organisacion internacional a comparti perspectivanan riba topiconan manera experiencianan personal, analysis structural y un vision pa futuro.
Un di caranan den e mundo Paralimpico na Aruba sin duda ta Shardea Arias Croes cu pa hopi aña a fungi como Presidente di Aruba Paralympics Committee.
Stichting Fundacion Lotto pa Deporte ta contento di por a contribui pa asina e forum pa Women in Para Sports por a tuma lugar exitosamente. Pabien na tur cu e haci esaki un realidad.
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Korsou di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
https://diario.aw/categories/noticia/deporte/di-4-edicion-di-e-women-in-para-sport-forum-tabata-hopi-exitoso#sigProIdcca91e7c7a
