Ministro Gerlien Croes presente na entrega premionan di Aruba Dolphins Open Water 2025

ORANJESTAD (AAN): Weekend cu a pasa a tuma lugar na lama di Savaneta, e tan spera competencia di Aruba Dolphins Open Water 2025.

    Na e competencia aki, participantenan por a escoge sea distancia di 1 kilometer, of 3 kilometer, of di 5 kilometer.  E ta pues un competencia perfecto pa esnan cu ta participa pa prome biaha, of esnan cu tin hopi experiencia den competencianan asina.

   Durante e caredanan di 8:00 am te cu 11:00 am, participantenan y publico tambe a probecha di bendemento di cuminda cu meta pa recauda fondo.  Tur ganashi ta bay pa sostene programanan di Aruba Dolphins.

   Den fin di siman cu a pasa, a tuma lugar e ceremonia di entrega di premio.

   Ministro di Deporte, Gerlien Croes tabata presente pa asina a felicita tur landado cu a cubri sea distancia di 1 km, of 3 km, y tambe esnan cu a bay pa 5 km.  El a felicita tur ganadornan, y a manda palabra di elogio na directiva di Aruba Dolphins pa nan dedicacion y nan empuhe pa organiza e competencia aki.