ORANJESTAD (AAN): Pa awor ta tur hende a mira e video, di e momento historico pa deporte Arubiano!
Ora cu un atleta di Aruba cu a logra drenta Ultimate Fighting Championship, a bay dilanti na un forma estilo raket.
E siman aki, Ministro di Deporte, Gerlien Croes a a ricibi y reconoce Damian Pinas. E ta di berdad e prome Arubiano cu a firma un contract oficial cu UFC, e organisacion di MMA mas grandi mundialmente. Ministro Gerlien a duna Damian Pinas un bunita plaquette cu diseño pa recuerdo.
Ministro Croes a splica Damian, cu e ta orguyoso di su disciplina, dedicacion y determinacion. Un inspiracion pa nos hobennan deportista. Tabatin Ministro Wendrick Cicilia tambe presente, kende a felicita e atleta cu su logro.
