Ministro Gerlien Croes a tira prome bala pa apertura Copa Aruba 2025

Torneo di Softball

ORANJESTAD (AAN): Den fin di siman a tuma lugar, e apertura di Copa Aruba 2025.  Esaki a wordo organiza pa Kudawecha Redskins Softball Team.

   Cu gran honor, Ministro di Deporte, Gerlien Croes a tira e prome bala pa marca asina e comienso oficialmente di e torneo, cual ta wordo dedica na pelotero Jason Orman.

   Copa Aruba ta reuni peloteronan internacional y local, incluso e pitcher mundialmente reconoci Maiker Pimentel, kende a forma parti di e ceremonia di apertura como catcher.

   Ministro ta manda palabra di pabien y exito na tur ekipo, y ta bolbe duna un danki na e directiva dinamico di Kudawecha Redskins Softball Team pa organisa un torneo di softball di nivel halto pa Aruba.