Ministro Gerlien Croes a atende ceremonia unda e isla a honra Team Curaçao

ORANJESTAD (AAN): Durante siman, un ceremonia a tuma lugar na isla di Curaçao despues cu e team di futbol a regresa di Jamaica, unda nan a logra cualifica pa FIFA Copa Mundial 2026.

   Ministro Gerlien Croes tabata presente na Curaçao relaciona cu e Conferencia Internacional di Deporte, unda e ta un orador.  El a probecha di acudi na e ceremonia oficial di Gobierno, unda nan a honra e team, hungadornan, y coachnan pa e logro grandi aki.

   Prome Ministro Pisas tambe a invita Ministro Gerlien riba escenario durante esaki.  Por a nota cu dado momento, Gobierno di Curaçao a invita e cantautor Jeon Tiel di Aruba riba escenario, unda nan a dune un bunita recuerdo pa su gran colaboracion.

   Esey a debi cu Jeon a sa di compone, aregla, y graba e cancion “Blue Wave” cu a bira manera e himno di e Team di Corsow durante e weganan aki.  Prome Ministro Pisas mes a haci entrega di esaki na Jeon, manera por mira riba e potretnan aki pa cortesia di Ministerio di Gerlien Croes.