Ministro Endy Croes a asisti na Aquathlon Escolar 2023

ORANJESTAD (AAN): Diasabra 9 di december 2023, Minister di Enseñansa y Deporte Endy Croes a asisti na Aquathlon Escolar 2023 organiza pa IBiSA y Aruba Triathlon Association.

   Aquathlon Escolar 2023 a tuma luga na Nikki Beach, cual e aña aki a conta cu alrededor di 300 participante di 37 scol di Aruba den 24 categoria. Esaki ta e unico evento escolar deportivo, unda cu e maestronan tambe por competi contra otro.

   Durante e evento deportivo aki, Minister Endy Croes a duna palabra y a duna inicio na e prome careda. E mandatario di Deporte a gradici IBiSa y Aruba Triathlon Association cu ta organiza e tremendo evento deportivo aki cada aña y ta felicita tur e atletanan cu a participa y entrega nan alma y cuerpo durante e competencia di Aquathlon Escolar 2023.