Brazil Taekwondo Stichting a entrega faha na e atletanan cu a pasa examen

ORANJESTAD (AAN):  Diamars anochi Brazil Taekwondo Stichting tabata tin su Cena di Pasco y Clifford Rasmijn tabata tin e programa di e anochi bon hinca den otro. Clifford Rasmijn a entrega e atletanan cu a haci examen nan faha. 

            Esaki tabata e ultimo examen pa aña 2023. Gabriella van der Biezen y Aelxson Ortiz a pasa pa faha geel. 

            Xenon Nurse, Lianna Danker, Aidan y Quinten Klaber a pasa pa faha berde, mientras cu Angela Angela a  pasa pa faha cora strepi preto. Clifford Rasmijn ta contento di mira con e atletanan a progresa den 2023 y ta  spera hopi mas for di nan den 2024. 

            E miembronan di Brazil Taekwondo Stichting y varios empresario a celebra hunto cu e team di e generacion nobo.