Ministerio di Deporte yudando veld di SV Caiquetio

ORANJESTAD (AAN): Pa un organizacion deportivo, ta un yudansa grandi ora cu nan por ricibi asistencia di un heavy equipment conoci como ‘grader’,

cu por nivela cualkier tereno y haci esaki bek limpi, y hasta elimina yerba cu por tin riba dje.

   Despues di temporada di yobida, ta hopi yerba a crece riba terenonan rond di Aruba.  Uno di nan ta e veld di SV Caiquetio, cu ta situa pariba di Misa di Paradera.

   Nan a haya un yudansa enorme di Ministerio di Deporte, cu a laga e ekipo pisa bay duna un man pa asina prepara e tereno pa e temporadanan venidero di futbol di tanto hende grandi como muchanan por probecha di dje.

   Ministro di Deporte, Gerlien Croes tambe a bay mira e trabao y a topa cu dirigentenan di SV Caiquetio na e ocasion aki tambe.