Minister Endy Croes a duna inicio na e di 37 Aruba International Half Marathon

ORANJESTAD (AAN): Diadomingo mainta, Minister Endy Croes tabata presente na Joe Laveist Sport Park pa duna inicio na e di 37 International Half Marathon.

Un carerda cu a conta cu alrededor di 800 participante den diferente categoria: 21K, relay y 5K. 

            E careda a inicia pa 5’or y mey di mainta, unda e coredonan a core di Joe Laveist Sport Park y finalisa na Alhambra Mall. Mas den oranan di mainta  e grupo di 5K a sali direccion pa Embassy Suites y termina bek na Alhambra  Mall.  Por a presencia cu hoben y adulto cu a participa ne marathon. 

            Sigur tabata impresionante pa wak e ambiente banda di caminda, bo por a sinti e entusiasmo y energia positivo. E publico tabata grita y aplaudi dunando asina sosten y apoyo ne coredonan,’ e Mandatario di Deporte a expresa.

            Na final Minister Endy Croes a entrega premio na e ganadonan.

            Concluyendo, Minister Endy Croes ta felicita tur e coredonan cu haci e di 37 edicion di Aruba International Half Marathon uno sumamente exitoso. Alabes ta gradici organisado di e marathon IBiSA Aruba, Cuerpo Policial y tur boluntario cu a yuda haci e careda aki posibel. Pabien Sra. Lana Gobert di Aruba y Sr. William Diaz di Colombia, ganadonan absoluto di e marathon.