Minister di Enseñansa y Deporte tabata presente na e bautismo di uniform di SV Estrella Damas

ORANJESTAD (AAN): Diadomingo ultimo Minister Endy Croes tabata presente na Alhambra Ballroom pa e programa di ‘team building’ y bautismo di e uniform nobo di e ekipo femenino di  SV Estrella p’e temporada nobo di futbol 2021 – 2022.

            ‘Un bunita encuentro deportivo yena entusiasmo y energia positivo’ e mandatario a expresa.

            Ta gradici SV Estrella p’e invitacion y e bunita recepcion. Di curason SV Estrella y tur deporte por conta cu sosten y apoyo di Ministerio di Deporte den cuadro di desaroyo pa nos hobennan formando caracter, formando disciplina y formando bon persona pa cu futuro di Aruba.

            Ta gradici e mayornan cu ta apoya nan yiunan y duna nan e sosten pa por practica deporte. Tambe nos kier gradici e boluntarionan cu ta traha cu amor y pasion pa deporte. Alabes ta desea SV Estrella Damas hopi exito den e temporada nobo di futbol.