ORANJESTAD (AAN): Minister Endy Croes den un encuentro ameno a reuni cu director di Future Star Baseball Academy sr. Shurty Tremus kende den luna di october ultimo a organiza e prome edicion na Aruba Baseball in Paradise cu tabata un campeonato exitoso.
Un total di 28 ekipo di diferente pais, mester agrega di cual 8 ekipo a bini di Hulanda, Bonairo, Curaçao y Aruba na unda cu 450 hoben entre edad di 12 y 18 aña a participa. Durante e reunion a papia di un posibel segundo edicion di Baseball in Paradise na luna di october 2022.
Minister di Enseñansa y Deporte sr. Endy Croes a gradici e organisacion y a expresa palabra di elogio y gratitud pa a organisa un bunita campeonato pa nos hobennan. Alabes Minister Endy Croes a ricibi un bunita t-shirt di Baseball in Paradise y den nomber di gobierno di Aruba Minister Endy Croes a entrega sr. Shurty Tremus un obsekio.
Minister Endy Croes a sigui expresa cu Baseball in Paradise por conta cu sosten di Ministerio di Enseñansa y Deporte.
https://diario.aw/categories/noticia/deporte/minister-di-deporte-a-felicita-aruba-baseball-in-paradise-pa-a-organisa-un-campeonato-exitoso#sigProId8cc4f0a08d
