ORANJESTAD (AAN)- Baseball di juventud a start bek cu planificacion desde di e pandemia cu a dal e deporte stima di e hobennan duro.
Durante e dia 11-14 di November pasa e reunion anual di Caribbean Zone a tuma lugar na Republica Dominicana.
Aruba Pony a worde representa pa Sr. Benjamin Francees cu ta e cara di Pony na Aruba unda den aña nan anterior a zorg no menos cu 4 Serie del Caribe na Aruba mes, unda varios pelotero di Aruba a haya oportunidad pa hunga weganan internacional na Aruba mes.
Pais nan cu a participa ta Bonaire, Curacao, Venezuela, Ecuador, Colombia, Panama, Costa Rica, Honduras, Salvador, Nicaragua, Puerto Rico, Republica Dominicana, Sint Maarten y Aruba. Pony Baseball Aruba Foundation lo crea mas oportunidad pa mas mucha Arubiano yega mas leu den Caribe y World Series.
E president di Aruba Sr. Benjamin Francees ta sumamente contento cu e resultado y desicion nan cu a tuma conhuntamente pa e zona di Caribe.
