Minister Croes ta felicita tur e tri-atletanan cu a participa den e 'Guardian Group Sprint Triathlon'

ORANJESTAD (AAN): Diadomingo ultimo na Boca Catalina a tuma luga e competencia di “Guardian Group Spirt Triathlon”,

Minister di Enseñansa y Deporte Endy Croes tabata presente pa duna sosten y apoyo na e tri-atletanan.

            E mandatario a expresa cu deporte ta un vehiculo cu ta conduci nos riba e bon caminda den bida. Triathlon ta un di e deportenan mas activo y gusta na Aruba. Triathlon no ta un deporte facil e ta consisti di tres disciplina di deporte.

            Un total 116 tri-atleta a participa den e “Sprint Triathlon”, nan a landa 7m, core bicicleta 20km y core na pia 5km. “Bo por a sinti e emocion y apoyo di esnan para banda”, e Mandatario a expresa.  

            Minister Endy Croes kier a felicita tur e tri-atletanan cu a haci e competencia di “Guardian Group Sprint Triathlon” uno sumamente exitoso. Alabes kier a gradici presidente Geloi Wever y secretaria Yahaira Jansen pa e bunita recepcion y tur informacion.

            Un pabien na Aruba Triathlon Association, mayornan y e 30 boluntarionan pa organisa un competencia hopi special pa nos tri-atletanan.