Master Eric Barry di San Nicolaas TKD Foundation ta orguyoso di su atleta

Deporte di Taekwondo

ORANJESTAD (AAN): Recientemente Xamier Lake di San Nicolaas Taekwondo Foundation a yega back for di Costa Rica despues di participa den Presidents Cup cu ta un Campeonato G2.

   Xamier Lake tin dos aña ta train cerca Master Eric Barry na e gymzaal di scol basico Santa Teresita. Aña pasa Xamier Lake a worde selecta pa drenta Taekwondo Team Aruba. Xamier Lake a drenta den e team di TK5 di Taekwondo Team Aruba y Xamier Lake a bringa contra USA. E aña aki Aruba a bringa na Surinam y a logra gana e copa di TK5 na Surinam. Dos siman pasa Xamier Lake a bringa den e Presidents Cup na Costa Rica y a logra gana medaya di oro.

   Master Eric Barry a mustra e atletanan di prome les y di dos les e premionan cu Xamier Lake a logra gana te cu awo.

   Master Eric Barry ta orguyoso di e resultadonan di su atleta cu ta representa Aruba den eventonan Internacional.

   San Nicolaas Taekwondo Foundation su portanan ta habri pa un y tur cu kier forma parti di e team di San Nicolaas Taekwondo Foundation. Master Eric Barry ta duna les tur Dialuna, Diaranson y Diahuebs for di 6'or di atardi te cu 7'or di anochi pa e chikitonan y for di 7'or pa 8'or di anochi pa e adultonan.