Mas cu 350 ciclista a participa na Awareness Ride

ORANJESTAD(AAN): Biking Squad Aruba un biaha mas a organiza su ‘Awareness Ride’ pa yuda concientiza nos automobilistanan

pa paga bon tino y ta conciente di e hecho cu ciclistanan tambe sa haci hopi uso di nos careteranan.

Tambe e evento aki ta pa concientizacion pa doñonan di cacho, segun minister di Deporte Endy Croes, kende aña pasa mes a participa na full e ruta.

Den un entrevista cu DIARIO e mandatario a indica cu e aña aki mas cu 350 ciclista a core e ruta di 44kilometer y segun Angelique Angela di e team organizador, 28 grupo total a registra, cu ta inclui gruponan individual tambe.

Angela a splica cu e aña aki a cambia e ruta, unda cu en bez di caba na San Nicolas, e ciclistanan ta core bay den direccion di area di hotel, pa despues bira bin bek y caba e careda na Pos Chiquito.