ORANJESTAD (AAN)- E saga di domino aya na Domino Square Garden, situa net n’e grens entre Calabas y Kudawecha,
ta sigui e diasabra aki 3 di december, net ariba aniversario dje famoso Dr. Phill di The Free Savannah University! Nada menos cu e legendarionan di pariba di brug, Pariba Legends DT, lo baha bin abou pa kita scuma di nada menos Sams Tsunami DT, dirigi p’e notorio pegado di piedra Sunny!
Un encuentro cu semper ta trece “sparks” den Domino Square Garden. Manera di custumber, entrada ta completamente gratis pa pueblo di Aruba. Nos ta curioso pa wak kendenan lo milita den Pariba Legends; lo ta bay tin integrantenan di Team Snor under cover eyden? Di otro banda,
Team Tsunami lo sconde algun integrante dje legendarionan di liga di bond? Ken sa, por ta Maharajah Sunny a priminti un Rolls Royce p’e prome cu pasa sapato blanco!
En todo caso, fanaticonan y conocedonan di domino brutal sa cu cos lo bira “spannend” e diasabra aki 3 di december, cuminsando pa 8’or di anochi.
https://diario.aw/categories/noticia/deporte/legendarionan-di-pariba-lo-bataya-cu-tsunami-den-domino-2#sigProId6f5e01592d
