Kibaima All Stars a bautisa nan uniform y inaugura nan batting cage

ORANJESTAD (AAN): Recientemente durante un anochi hopi ameno na un cas di Robby y Silvana na Boroncana, a tuma lugar bautiso di e uniform nobo di e team di softball, Kibaima All Stars.

    Dirigentenan a manda gradici tur esnan cu na ultimo momento a keda encarga pa busca patrocinio, y haci e pedida pa e uniformnan aki.  Nan a yega basta rapido y e ekipo a keda contento cu nan pa asina awor cu Liga start, nan tin tur cos nobo.

   Kibaima ta un ekipo cu bista padilanti, lubidando pasado y cu e directiva nobo pushando e animo pa sigui subi e trapi pa logra exito den cada wega.  Esaki ta encera cu tin di sigui traha duro riba training tambe.

   E anochi a start cu inauguracion di e batting cage, den man di e yiu homber di Robby y Silvana kende a corta e cinta.  Despues a sigui cu bautismo di e uniform nobo.  Como padrino y madrina a fungi Edmundo Tromp y Kimberly Croes.  DIARIO ta desea e team, tur clase di exito.