Kaj Rozeboom a logra e prome medaya pa Aruba na Weganan Panamericano Junior 2025

Den categoria di Windsurf Olimpico iQFoil

ORANJESTAD (AAN): Bon noticia pa Aruba y pa atletismo en general.  Diadomingo durante e di 3 dia di competencia Weganan Panamericano Junior 2025 (yama tambe ASU2025) na Asuncion (Paraguay) pa e deporte di Windsurf Olimpico iQFoil, e division masculino a logra di haci 3 regatta, danki na e biento cu tabata bon suficiente pa logra esaki. Aki a cuminsa un bataya fuerte unda Kaj a mira cu su contricante di Merca ta keda cerca y a crea un tremendo paar di regatta entre nan dos, unda cu na final di 5 regatta total, y e atleta di Aruba a logra termina cu e medaya di plata pa Aruba pa un diferencia minimo di 4 punto total.

   Kaj mes ta duna di conoce di ta contento cu e logro aki, unda cu apenas 18 aña di edad e ta logra su prome medaya Panamericano. Na mesun momento e ta indica di no ta satifescho y ta cla pa sigui entrena pa asina mehora como atleta di Vela y logra mas resultado pa Aruba.

  Aruba como tambe Comite Olimpico Arubano ta felicita Kaj cu e tremendo logro aki y pone Aruba riba e podium aki na ASU2025.