Jenniffer Baez Garcia a gana medaya di Oro na Costa Rica.

ORANJESTAD (AAN)- Jenniffer Baez Garcia a gana medaya di Oro den e di XIV Costa Rica Open G2 event

cu a tuma luga Diahuebs dia 25 di Augustus 2022 na San Jose den Palacio de los Deportes na Heredia.  

Jenniffer Baez Garcia a participa den e categoria di damas -40 den Taekwondo Poomsae tradicional individual. Arianna Diaz Covarrubias ta e coach di Jenniffer Baez Garcia y tin e mesun vision cu Jenniffer Baez Garcia tin pa yega ariba e podium di mas halto den Poomsae. Nan ta train 8 ora pa dia pa perfecciona tur e movementonan den Poomsae. 

Cu e logro na Costa Rica ta pone cu Jenniffer Baez Garcia hunto cu su coach ta bay pone mas enfasis ariba e reglamentonan nobo cu ta bay bin na vigor. Jenniffer Baez Garcia su meta principal ta pa alcansa un medaya den e categoria over 17 ariba Poomsae tradicional individual femenino.