Intercambio di volleyball internacional tabata exitoso

ORANJESTAD (AAN)- Riba dianan 11, 13 y 14 di Mei tabata na Aruba un team di volleyball di Merca cu a bin pa atende algun weganan internacional di volley na Aruba. E weganan a tuma lugar na POVA Club.

E weganan tabata entre e teamnan di damas A-klas Venum Volleyball team, volleyball positivo y All Set Volleyball team, cu a enfrenta Ashland University di Ohio.

 E score entre Positivo y Ashland ta di 3-0 pa Ashland, setnan di 25-12, 25-13 y 25-18. E weganan tabata di motivacion pa e atletanan di Aruba pa asina haya sa unda nan mes yega. E publico tabata grandi y tur a disfruta di e tremendo ambient ey bon weganan di volleyball.

Despues e Team di Ashland a midi forsa cu e cabayeronan hoben di Spartans ye Team di Ohio (USA) a vence e Team 2-0 cu scorenan 25-23 y 25-21. E team di Spartans a haya competencia for di Ashland y ambos team a duna e publico tremendo hungadanan.