Awe ta cuminza e di dos rond pa playoff semi final di futbol Division Honor

ORANJESTAD (AAN)- Awenochi lo tin e prome wega pa e pay off final di futbol Division Honor. E wega di awenochi ta entre RCA y La Fama.

Weganan ta sigui mañan Diahuebs entre Britannia y Dakota,Diadomingo lo tin 2 wega  uno pa 6’or entre Dakota y RCA y e otro wega ta pa 8’or entre Britannia y Dakota.

Diahuebs pasa e team di RCA a perde contra Dakota 1 pa 3. Diadomingo Dakota a gana La Fama 1 -0 y RCA a gana Britannia 3-1.

Mihor 3 goleadornan te cu awor ta Devis Oliveros di Nacional cu 27, John Silva di RCA cu 26 y Sebastian Montoya di Dakota cu 25. Poco poco e weganan ta bira mas interesante y ta invita tur fanatico di futbol pa bay apoya e hobennan aki y engrandece e deporte di futbol.