Ingomar Jacobs, Anabella Fernandez y Deevah Loefstop a slaag pa faha preto

ORANJESTAD (AAN): Impact Taekwondo Aruba a organisa examen pa 5 atleta y Ingomar Jacobs, Anabella Fernandez y Deevah Loefstop a slaag pa faha preto y Isabella Bogevad y Kianna Krosendijk a slaag pa faha cora.

Grand Master Sra. Marilu de Veer a entrega tur 5 atleta nan diploma y nan faha. Ingomar Jacobs a haña Poom door cu e no a yega e edad ainda pa bisti faha preto. Tur mucha cu no ta junior ainda ta bisti poom.  

Impact Taekwondo Aruba a tuma un pauze pa asina cuminsa bek cu les dia 2 di Augustus na Washington Basis School. Monica Pimentel Aruba su prome atleta Olimpico den Taekwondo Sparring ta hopi contento cu Impact Taekwondo Aruba tin mas faha preto cu a forma parti di e grupo.

Tur esnan cu ta interesa pa train Taekwondo cerca Impact Taekwondo Aruba tin e oportunidad di haci esaki dia 2 di Augustus.

Master Monica Pimentel a gradici Grand Master Sra. Marilu de Veer pa examina su atletanan unda cu 3 a slaag pa faha preto y dos pa faha cora.