Indians a kibra invicto di Braves

ORANJESTAD:  E temporada aki di double A Braves a cuminza bon cu dos victoria, pero Diasabra na Joe Laveist Indians a kibra e invicto aki ganando e wega 4-3.

Despues cu Indians a bay ariba 1-0, Braves a bin bek pa bay ariba 3-1.

Mas careda por a wordo anota, pero algun fayo den coremento di base a stroba esaki.

Indians despues a logra empata e wega y den bom di e di 7 inning nan a anota 1 careda mas pa gana.

Debi na e hecho cu time limit a yega, e triunfo di 7 inning a bay riba nomber di Indians.

Pitcher ganador tabata Angelo Camara y pitcher perdedor tabata Dwayne Chirino.

Mihor bateadornan pa Indians tabata Jason Orman 3-3, Jerold Martijn 3-2 y Joshua Ramada 4-2.

Pa Braves mihor bateadornan tabata Angelo Webb 1-1, Ralph Dinzey 3-2, Samir Webb 2-1 y Giovanni Lane 2-1.