Hopi alegria na yegada di e seleccion nacional di Girls’ U15 Championship

ORANJESTAD (AAN): Den oranan di atardi, un cantidad di persona, famia, y fanatico tabata presente na Aeropuerto internacional Reina Beatrix pa yama bonbini na e Seleccion di Aruba,  cu a competi den e Concacaf Girls’ U15 Championship na Tampa, Florida.

   Tabata reina un ambiente ameno yena cu alegria y emocion. E seleccion di Aruba a logra conkista e titulo di subcampeon y e isla a keda feliz cu esey

   Ministro di Deporte tambe tabata presente y a hiba palabra na e ocasion special aki na unda el a felicita e futbolistanan como tambe e entrenadornan cu a dedica asina hopi pa hiba e ekipo na e gran logro aki.

   Hecho ta cu durante e dianan ey, Aruba tabata den e gara di weganan y a biba caba un di e momentonan aki cu boso.

   Pa finalisa e mandatario a felicita nan den nomber di Minister President señora Evelyn Wever- Croes como tambe den nomber di Gobierno y Aruba henter. Nos ta hopi orguyoso di boso. Masha danki pa laga Aruba su nomber briya internacionalmente.